விஜய்யின் 51-வது படமாக உருவாகி வருகிறது காவலன். சித்திக் இயக்கத்தில் படப்பிடிப்பு இறுதிக்கட்டத்தை எட்டியுள்ளது. ஆரம்பத்திலிருந்தே இந்தப் படத்துக்கு தலைப்பு வைப்பதில்தான் நிறைய சிக்கல் இருந்தது. கதைக்கு ஏற்ற தலைப்பு தேவைப்பட காவல்காரன் பொருத்தமாக இருந்த போதிலும், அதை பயன்படுத்துவதில் சில சிக்கல்கள் இருந்ததால் இப்போது காவலன் ஆகியிருக்கிறது. இந்த தலைப்பை பத்திரிக்கை சந்திப்பின்மூலம் உறுதிசெய்துள்ளது தயாரிப்பு தரப்பு.
படத்தைப்பற்றி அசினிடம் கேட்டபோது அவர் கூறியதாவது :
காவலன் அளவான ஆக்ஷன், அழகான காதல் கதை. ஏற்கனவே விஜய்யுடன் இரண்டு படங்களில் நடித்து விட்டேன். இரண்டுமே ஹிட். இப்போது மூன்றாவது முறையாக விஜய்யுடன் சேர்ந்து நடிக்கிறேன். கண்டிப்பாக இந்தப்படம் ஹாட்ரிக் வெற்றியாக அமையும்.
சித்திக் சார் இயக்கத்தில் நடிக்க வேண்டும் என்ற ஆசை காவலன் மூலம் நிறைவேறியுள்ளது. அவரோட படத்தில் காமெடிக்கு பஞ்சமிருக்காது. இந்த படத்திலும் காமெடி நன்றாக வந்துள்ளது. கதையோடு வரும் காமெடியில் வடிவேலு சார் பிண்ணியிருக்கிறார். குடும்பத்தோடு பார்த்து ரசிக்கும்படியாக படத்தை எடுத்திருக்கிறார் சித்திக் சார் என்றார் அசின்
No comments:
Post a Comment