3 இடியட்ஸ் ரீமேக்கில் சத்யராஜ், இலியானா

‘3 இடியட்ஸ்’ படத்தின் ரீமேக்கில் சத்யராஜ், இலியானா நடிக்கிறார்கள். ராஜ்குமார் ஹிரானி இயக்கத்தில் ஆமிர்கான், மாதவன், சர்மான் ஜோஷி, கரீனா கபூர் நடித்த இந்தி படம், ‘3 இடியட்ஸ்’. இந்தியில் ஹிட்டான இந்த படம் தமிழில் ரீமேக் ஆகிறது. ‘எந்திரன்’ படத்தின் மெகா ஹிட்டுக்கு பிறகு ஷங்கர் இந்த படத்தை இயக்குகிறார். ஜெமினி பிலிம் சர்க்யூட் தயாரிக்கும் இதில் அமீர்கான் வேடத்தைச் செய்யப் போகிறவர் விஜய். மாதவன் வேடத்தில் ஜீவாவும், ஷர்மான் ஜோஷி பாத்திரத்தில் சித்தார்த்தும் நடிக்கிறார்கள். கரீனா கபூர் நடித்த வேடத்தில் இலியானா நடிக்கிறார். அவரது அப்பாவாக சத்யராஜ் நடிக்கிறார். இதுபற்றி ஷங்கர் தரப்பில் விசாரித்தபோது, ‘இலியானாவிடம் பேசி வருகிறோம். இன்னும் முடிவாகவில்லை. விரைவில் அறிவிப்பு வரும்’ என்று கூறினர்.